ड्रोन फवारणीसाठी ४७७ कीडनाशकांना केंद्रांची मंजुरी

केंद्रीय कृषी व शेतकरी कल्याण मंत्रालयाच्या या निर्णयामुळे शेतकरी ड्रोनच्या माध्यमातून कीडनाशकांची फवारणी करू शकणार आहेत. तत्पूर्वी प्रत्येक कीडनाशकाला केंद्रीय कीटकनाशक मंडळ आणि नोंदणी समितीची (CIB&RC) परवानगी घेणे बंधनकारक असणार आहे.
Agriculture Drone
Agriculture DroneAgrowon

कृषी क्षेत्रातील ड्रोनच्या वापराला गती देण्यासाठी केंद्रीय कृषी मंत्रालयाने ड्रोन फवारणीसाठी ४७७ कीडनाशकांना हंगामी स्वरूपाची परवानगी दिली आहे. ड्रोन फेडरेशन ऑफ इंडियाने (DFI) ही माहिती दिली आहे.

केंद्रीय कृषी व शेतकरी कल्याण मंत्रालयाच्या या निर्णयामुळे शेतकरी ड्रोनच्या माध्यमातून कीडनाशकांची फवारणी करू शकणार आहेत. तत्पूर्वी प्रत्येक कीडनाशकाला केंद्रीय कीटकनाशक मंडळ आणि नोंदणी समितीची (CIB&RC) परवानगी घेणे बंधनकारक असणार आहे. ही परवानगी १८ ते २४ महिन्यांच्या कालावधीत दिली जाते.

या ४७७ नोंदणीकृत कीडनाशकांत कीटकनाशक, बुरशीनाशक आणि वनस्पती वाढ नियामकांचा समावेश आहे. येत्या २ वर्षांत या कीडनाशकांचा ड्रोनच्या माध्यमातून व्यावसायिक वापर शक्य होणार आहे.

केंद्रीय कृषी व शेतकरी कल्याण मंत्रालय आणि केंद्रीय कीटकनाशक मंडळ आणि नोंदणी समितीने (CIB&RC) या कीडनाशकांना हंगामी मान्यता दिली असल्याचे डीएफआयने (DFI) आपल्या पत्रकात नमूद केले आहे.

या कीडनाशक कंपन्यांनी यापूर्वीच वापरासंबंधी केंद्रीय कीटकनाशक मंडळ आणि नोंदणी समितीकडे (CIB&RC) नोंदणी केलेली आहे. या नव्या संमतीच्या माध्यमातून पिकांचे प्रकार, कीडनाशकांचे प्रमाण, माहिती संकलनाचा कृती आराखडा इत्यादी माहितीची नोंद केली जाणार आहे.

Agriculture Drone
नरेंद्र सिंग तोमर यांच्याहस्ते दोन संकेतस्थळांचे उद्घाटन

या २ वर्षांनंतरही संबंधित कंपन्यांना ड्रोनच्या माध्यमातून फवारण्या करणे सुरूच ठेवायचे असेल, तर त्यांना हंगामी काळातील अत्यावश्यक माहिती केंद्रीय कीटकनाशक मंडळ आणि नोंदणी समितीकडे जमा करून तशी संमती घेता येणार असल्याचेही डीएफआयने (DFI) नमूद केले आहे.

Agriculture Drone
जगासमोर खाद्यसंकट !

कृषी क्षेत्रासाठी वापरण्यात येणाऱ्या ड्रोन्समध्ये पोषक घटक, कीडनाशकांच्या फवारण्या, शेतीची पाहणी, माती आणि पीक परीक्षण अशा अनेक सुविधा उपलब्ध असणार आहेत. ड्रोनच्या माध्यमातून करण्यात येणाऱ्या फवारण्यांमुळे रासायनिक कीडनाशकांचा, मानवी आरोग्यास हानिकारक खतांचा मानवांशी संपर्क होणार नसल्याचे डीएफआयचे अध्यक्ष स्मित शहा यांनी सांगितले आहे.

येत्या तीन वर्षात 'एक गाव एक ड्रोन' अभियान राबवण्यात येणार आहे. एकदा का केंद्र सरकारचे ड्रोन वापराबाबतचे धोरण निश्चित करण्यात आले आणि द्रोण खरेदीसाठी सरकारी अनुदान सुरु झाले की देशभरातील शेतकऱ्यांना ड्रोनच्या माध्यमातून फवारणी करण्याची सवय लागेल, असा विश्वासही शहा यांनी व्यक्त केला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com