Weather Update Pune राज्यात वादळी वारे, पाऊस, गारपिटीने (Hailstorm) सत्र सुरूच आहे. आज (ता. २९) मध्य महाराष्ट्र, मराठवाडा, विदर्भात वादळी वाऱ्यासह पावसाची शक्यता (Rain Forecast) आहे.
विदर्भात वादळी वारे, जोरदार पाऊस, गारपिटीचा 'ऑरेंज अलर्ट' देण्यात आला आहे. कमाल तापमानातील चढ-उतार कायम राहण्याची शक्यता हवामान विभागाने (Weather Department) वर्तविली आहे.
मध्य महाराष्ट्र, कर्नाटक किनारपट्टी, अरबी समुद्र ते मालदीव पर्यंत समुद्र सपाटीपासून ९०० मीटर उंचीवर हवेचा कमी दाबाचा पट्टा व खंडीत वाऱ्यांची स्थिती विस्तारली आहे. मध्य महाराष्ट्र, मराठवाड्यासह विदर्भाच्या विविध भागात वादळी पाऊस आणि गारपिटीचा तडाखा सुरूच आहे.
आज (ता. २९) विदर्भातील अकोला, वाशीम, यवतमाळ, चंद्रपूर जिल्ह्यात गारपीट आणि जोरदार वादळी पावसाचा 'ऑरेंज अलर्ट' आहे. महाराष्ट्र, मराठवाडा, विदर्भात ताशी ४० ते ५० किलोमीटर वेगाने वाहणाऱ्या जोरदार वाऱ्यासह, वादळी पावसाचा इशारा हवामान विभागाने दिला आहे.
पावसाची हजेरी, ढगाळ हवामान यामुळे राज्याच्या कमाल तापमानात चढ-उतार होत आहे. उन्हाचा चटका आणि उकाडा माभ कायम आहे. शुक्रवारी (ता. २८) सकाळपर्यंतच्या २४ तासांमध्ये सोलापूर येथे राज्यातील उच्चांकी ३९ अंश सेल्सिअस तापमानाची नोंद झाली. कोकण वगळता राज्यात बहुतांश ठिकाणी कमाल तापमान ३३ ते ३८ अंशांच्या दरम्यान आहे. कमाल तापमानात चढ-उतार कायम राहण्याची शक्यता आहे.
शुक्रवारी (ता. २८) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३५.६ (२१.४), जळगाव ३७.७ (२३.३), कोल्हापूर ३५.४ (२३.८), महाबळेश्वर ३०.९ (१९.०), नाशिक ३५.८(२२.६),
निफाड ३८.२ (२१.४), सांगली ३७.१ (२४.०), सातारा ३६.७ (२०.४), सोलापूर ३९.० (२२.४), सांताक्रूझ ३३.२ (२५.६), डहाणू ३२.८ (२४.१), रत्नागिरी ३३.५ (२४.८),
छत्रपती संभाजीनगर ३६.१ (२०.४), नांदेड ३४.६ (२१.४), धाराशिव ३६.१ (१९.०), परभणी ३५.४ (२२.६), अकोला ३५.८ (२१.४), अमरावती ३५.४(१९.१), बुलढाणा ३५.० (२०.५), ब्रह्मपूरी ३७.२ (१९.९),
चंद्रपूर ३६.८ (२१.४), गडचिरोली ३४.०(२२.२), गोंदिया ३५.५ (२०.५), नागपूर ३३.६ (१९.०), वर्धा ३३.२(१९.४), यवतमाळ ३४.५ (१७.५).
जोरदार पाऊस, गारपिटीचा इशारा (ऑरेंज अलर्ट) :
विदर्भ : अकोला, वाशिम, यवतमाळ, चंद्रपूर.
वादळी पावसाचा इशारा (येलो अलर्ट) :
मध्य महाराष्ट्र, : नंदूरबार, धुळे, जळगाव, नाशिक, सोलापूर.
मराठवाडा : जालना, बीड, परभणी, हिंगोली, नांदेड, धाराशिव, लातूर.
विदर्भ : बुलढाणा, अमरावती, वर्धा, नागपूर, भंडारा, गोंदिया, गडचिरोली.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
