कोंबडीच्या वयानुसार त्यांच्या खाद्यात बदल करावा लागतो. कोंबड्यांना दिलं जाणारे खाद्य हे सकस आणि पौष्टिक असावे. खाद्याची साठवणूक आणि हाताळणी योग्यरित्या केल्यानं त्याची कार्यक्षमता टिकून राहते.
स्टार्टर फीड -
स्टार्टर फीड हे प्रथिनांनी समृद्ध असं खाद्य आहे. जे पिल्लांच्या आहारातील प्रथिनयुक्त गरजा भरून काढण्यासाठी बनविले आहे. पिल्लांना सुरुवातीचे 6 आठवडे स्टार्टर फीड दिल जातं. यात चांगल्या प्रतीची प्रथिने म्हणजे जवळपास २०-२४ % असल्याने पिल्लांची सुरुवातीची वाढ जोमाने होण्यास मदत होते. परंतु कोंबडीच्या पिल्लांना ६ आठवडे पूर्ण झाल्यानंतर स्टार्टर फीड देणं बंद करावं नाहीतर अति प्रमाणातील प्रथिने कोंबड्यांच्या यकृताला हानी पोहोचवू शकतात.
ग्रोवर फीड -
कोंबड्यांना ६ आठवड्यांचा कालावधी पूर्ण झाल्यानंतर आता कोंबडीचे मांस उत्पादन वाढविण्यासाठी ग्रोवर फीडचा वापरला जातो. ६ ते २० आठवडे या वयोगटात कोंबडीची आहारातील गरज पिल्लापेक्षा खूप वेगळी असते. ग्रोवर फीड मध्ये प्रथिनांचे प्रमाण कमी म्हणजे 16-18% च्या दरम्यान असते. ग्रोवरमुळे कोंबड्यांचे अतिरिक्त वजन न वाढता योग्य शारीरिक वाढ होते. जेव्हा कोंबडी अंडी द्यायला सुरुवात करते तेव्हा ती लेयर फीड दिल पाहिजे.
लेयर फीड
कोंबड्यांनी अंडी द्यायला सुरुवात केल्यावर त्यांना लेअर फीड म्हणजेच फिनिशर द्यावे. अंडी देणाऱ्या कोंबड्यांना उच्च प्रतीची प्रथिने आणि अधिक उर्जेचा पुरवठा खाद्यातून करावा लागतो. लेयर फीड मध्ये १६-१८ टक्केच प्रथिने असतात. मात्र याव्यतिरिक्त लेयर फीडमध्ये प्रथिने, कॅल्शियम, जीवनसत्त्वे आणि खनिजे यांचा समावेश असतो.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.