परभणी जिल्ह्यातील सोनपेठ येथील डॉ.मोहनराव देशमुख यांनी वैद्यकीय व्यवसाय सांभाळून नैसर्गिक पद्धतीने गूळनिर्मिती यशस्वी केली आहे. बाजारपेठेतील मागणीनुसार चौकोनी आकार, क्यूब्ज, पावडर आदी उत्पादने ‘त्रिवेणी नॅचरल’ ब्रॅण्डने सादर केली आहेत. विशेष मेहनत घेत विपणन व्यवस्था तयार करून राज्यात विविध ठिकाणी थेट ग्राहक बाजारपेठ तयार केली आहे. परभणी जिल्ह्यात सोनपेठ येथे डॉ. मोहनराव अण्णासाहेब देशमुख यांचे वास्तव्य आहे. त्यांनी होमिओपॅथी पदवी (बीएचएमएस) संपादन केली आहे. सन १९९३ पासून ते सोनपेठ शहरात ‘प्रॅक्टिस’ करतात. त्यांचे कुटुंब औरंगाबाद येथे वास्तव्यास आहे. दहिखेड (ता. सोनपेठ) शिवारात देशमुख यांची १४ एकर शेती आहे. वैद्यकीय व्यवसाय सांभाळून शेतीकडेही ते दररोज अत्यंत बारकाईने लक्ष देतात. मातीची खोली ३० ते ४० फूट असल्याने विहिरी खोदणे कठीण होते. त्यामुळे दोन बोअर घेतले आहेत. मानवी व शेतीचे आरोग्य लक्षात घेऊन २०१३ नंतर नैसर्गिक शेती पध्दतीचा अंगीकार केला. दोन गायी व शेणखताचा शेतीला आधार झाला. सिंचनाची सुविधा केल्यानंतर पीक पद्धतीत बदल केला. बाजारपेठेतील संधी ओळखून सन २०१५ ते २०१६ च्या सुमारास देशमुख गूळनिर्मितीकडे वळले. नैसर्गिक पद्धतीने उत्पादन
व्यवस्थापन- ठळक बाबी
विविध आकारांतील उत्पादने
विपणन व्यवस्था सोनपेठ शहरात महिन्याला दोन ते तीन क्विंटल गूळ विक्री होत असे. दोन वर्षात गुळाच्या चहाचा ‘ट्रेन्ड’ निघाल्यामुळे हॉटेल्स चालकांकडून गुळाला मागणी वाढली. आता शहरात महिन्याला एक टन तर वर्षभरात १० ते १२ टन विक्री होते. याशिवाय परभणी, पुणे, ठाणे, औरंगाबाद, मुंबई आदी ठिकाणीही उत्पादने पाठवली जातात. प्रभावती नैसर्गिक धान्य समुहामार्फत बारामती येथील कृषी प्रदर्शन, पुणे येथील भीमथडी जत्रा, मुंबई येथील वर्ल्ड ट्रेड सेंटर आदी विविध प्रदर्शनांत स्टॉल उभारून थेट ग्राहक विक्री होते. गृहसोसायट्यांना विक्री सुमारे नऊ व्हॉटस ॲप ग्रूपद्वारे ग्राहकांचे ‘नेटवर्क’ उभारले आहे. ग्राहकांच्या माहितीसाठी स्वतःच्या शेतातील पिकांच्या विविध अवस्थांची छायाचित्रेही ग्रूपवर ‘शेअर’ केली जातात. पुणे शहरात काही गृह सोसायट्यांना महिन्यातील एका रविवारी सकाळी ६ ते दुपारी १ या कालावधीत घरपोच विक्री होते. लग्न व अन्य समारंभावेळी ग्राहकांच्या मागणीनुसार गुळाची विविध उत्पादने असलेले खास पॅकिंग करून ते वितरित केले जाते. औषधी उद्योगांनाही गूळ पुरवठा होतो. सेंद्रिय धान्य उत्पादक गट
संपर्क- डॉ. मोहनराव देशमुख-९७६४२७८५५९, ७०५८१४८८८८
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.