करार शेतीतून सक्षम केलेला मशरूम व्यवसाय

नाशिक स्थित किरण व चेतना या पवार दांपत्य २३ वर्षांपासून अळिंबी (मशरूम) उद्योगात कार्यरत आहे. अनेक आव्हानांशी सामना करताना मेहनत, सातत्य, संशोधन, बाजारपेठांचा अभ्यास, विक्री कौशल्यातून पुढे जात व्यवसायाचा विस्तार केला. सध्या राज्य-परराज्यातील सुमारे ८० व्यावसायिकांना स्पॉन (मशरूम बीज) पुरवून मशरूमची करार शेती ते करताहेत. जोडीला प्रक्रियायुक्त उत्पादनांच्या निर्मितीलाही चालना दिली आहे. मूळचे नगर जिल्ह्यातील लोणी (ता.राहाता) येथील किरण पवार नाशिक येथे वास्तव्यास आहेत. रासायनिक अभियांत्रिकी शाखेची पदविका पूर्ण केल्यानंतर नोकरी न करता अळिंबी (मशरूम) उद्योगाची त्यांनी निवड केली. कुटुंबाचा विरोध झाला. खिशात भांडवल नव्हते. तरीही जिद्द व धडपड होती. दरम्यान मशरूम उत्पादनाचे प्रशिक्षण पूर्ण केले. आई तसेच मामांकडून १५ हजार भांडवल उभे केले. पुढे १९९८ मध्ये मालकीच्या जागेत कमी खर्चात टाकाऊ घटकांपासून शेड उभे केले. तेथून १२ किलो दैनंदिन उत्पादन सुरू करून स्वप्न प्रत्यक्षात साकारण्यास सुरुवात केली. धिंगरी अळिंबीवर (ऑयस्टर) पवार मुख्यत्वे काम करतात.

सुरुवातीचे टप्पे उत्पादन सुरू झाल्यानंतर स्थानिक बाजारात मागणी नव्हती. त्यामुळे अडचणी अजूनच वाढल्या.\ मात्र पवार दांपत्याने ग्राहकांना मशरूमचे आहारातील महत्त्व समजावून सांगण्यास सुरुवात केली. मशरूमच्या विविध पाककृती बनवून ग्राहकांचे नेटवर्क तयार केले. सिद्धार्थ मशरूम नावाने ब्रँडिंग करत व्यवसायाला ओळख दिली. 'www.siddharthmushroom.com असे संकेतस्थळ विकसित केले. सुरुवातीला ८० टक्के विक्री स्थानिक तर २० टक्के बाहेरगावी होती.

स्पॉन(मशरूम बीज)उत्पादनाला सुरुवात ग्राहक जोडले गेले अन् मागणी वाढत गेली. मात्र उत्पादन क्षमता जास्त असूनही स्पॉनअभावी पूर्ण क्षमतेने उत्पादन होत नव्हते. त्यावेळी पुणे येथून अधिक खर्च करून स्पॉन उपलब्ध व्हायचे. यावर मात करण्यासाठी १९९९ मध्ये स्पॉन उत्पादन सुरू केले. त्यामध्ये यांत्रिकीकरण केले. परिसरातील उत्पादकांनाही पुरवठा सुरू केला.सन २००३ मध्ये आत्मा, नगर यांच्या मार्गदर्शनाखाली २० सदस्यांचा जिल्हा मशरूम उत्पादक संघ स्थापन केला. त्यांच्यासोबत करार पद्धतीने काम सुरू केले.

उभारले ग्राहकांचे जाळे

सध्याची करार शेती

आदिवासी भागात मशरूम उत्पादन करार पद्धतीने उत्पादकांचे नेटवर्क तयार करताना प्रामुख्याने इगतपुरी, सुरगाणा,पेठ, अकोले, नवापूर, तळोदा या तालुक्यांतील आदिवासी शेतकऱ्यांना मोफत प्रशिक्षण दिले. त्यांना कमी खर्चात उत्पादन साहित्य व कमी दराने स्पॉन पुरवठा करून उत्पादित मशरूम रास्त दराने खरेदी करण्यात येते. गुजरात व मध्यप्रदेश येथील आदिवासी भागात २००७ ते २००९ दरम्यान प्राधान्याने आदिवासी भागात काम उभे केले.

प्रक्रियायुक्त उत्पादनांचे मार्केटिंग मशरूमपासून विविध प्रक्रियायुक्त उत्पादने करण्याचेही पवार दांपत्याने ठरवले. केंद्रीय अन्न तंत्रज्ञान संशोधन केंद्र (सीएफटीआरआय), म्हैसूर येथे संबंधित प्रशिक्षण घेतले. त्यानंतर चेतना यांनी मशरूम रोल, समोसा, सूप, मशरूम पुलाव हे पदार्थ तयार केले. मशरूम बिस्कीट, पापड, वडी, वाळवण, नूडल्स असे पदार्थ मागणीनुसार विक्रीसाठी आणले. त्यांची मागणी वाढत आहे.

आदर्श कार्यपद्धती

कार्याचा सन्मान

संपर्क- किरण पवार, ९८६००९७६३६ चेतना पवार, ९८५०१०८४१