Agri Student Protest : कृषी अभ्यासक्रमाचे विद्यार्थी विविध मागण्यांसाठी आक्रमक

महाराष्ट्र कृषिसेवा मुख्य परीक्षेचा नवीन अभ्यासक्रम सर्व विद्याशाखेतील परीक्षार्थीला समान न्याय देणारा, कोणत्याही प्रकारचा भेदभाव विरहित तसेच नैसर्गिक न्यायतत्वाद्वारे समान संधी देणारा आहे.
Agri Student Protest : कृषी अभ्यासक्रमाचे विद्यार्थी विविध मागण्यांसाठी आक्रमक

Agri Student Protest परभणी ः महाराष्ट्र कृषिसेवा मुख्य परीक्षेचा सध्याचा अभ्यासक्रम कायम ठेवावा. २०२२ मध्ये झालेल्या परीक्षांना स्थगिती देऊ नये.

कृषी विद्यापीठातील रिक्त पदांची भरती सुरू करावी, आदी मागण्यांसाठी वसंतराव नाईक मराठवाडा कृषी विद्यापीठातील कृषी पदवी, पदव्युत्तर पदवी, आचार्य पदवी अभ्यासक्रमाच्या स्पर्धा परीक्षा उमेदवार विद्यार्थ्यांनी सोमवारी (ता. ६) कुलगुरू कार्यालय तसेच शिक्षण संचालक कार्यालयावर मोर्चा काढला.

महाराष्ट्र कृषिसेवा मुख्य परीक्षेचा नवीन अभ्यासक्रम सर्व विद्याशाखेतील परीक्षार्थीला समान न्याय देणारा, कोणत्याही प्रकारचा भेदभाव विरहित तसेच नैसर्गिक न्यायतत्वाद्वारे समान संधी देणारा आहे. या परीक्षेतील दोन्ही पेपर अनिवार्य असल्यामुळे यातून जबाबदार कार्यक्षम व सर्वज्ञान संपन्न कृषी अधिकारी निवडले जातील. यामुळे हाच अभ्यासक्रम कायम ठेवण्यात यावा.

Agri Student Protest : कृषी अभ्यासक्रमाचे विद्यार्थी विविध मागण्यांसाठी आक्रमक
Agri Student Protest : आंदोलनाला महाराष्ट्र लोकसेवा आयोगच जबाबदार : डॉ. पाटील

सद्यःस्थितीत राज्यातील चारही कृषी विद्यापीठात केवळ कृषी अभियांत्रिकेचेच विद्यार्थी आयोगाने दिलेल्या अभ्यासक्रमावर व चुकीची आकडेवारी देऊन विद्यापीठ प्रशासन, महाराष्ट्र शासन, महाराष्ट्र लोकसेवा आयोगाची दिशाभूल करीत आहेत.

या आंदोलनाला काही कृषी विद्यापीठाचे जबाबदार कुलगुरू इतर राजकीय नेतेमंडळी तसेच काही संघटना विद्यार्थ्यांच्या चुकीच्या आंदोलनाला अपप्रेरणा देत आहेत.

त्यामुळे महाराष्ट्र लोकसेवा आयोगाची प्रतिमा मलिन केली जात असून आयोगाच्या निर्णय प्रक्रियेवर प्रश्नचिन्ह उपस्थित करून कृषी विद्यापीठांमधील विद्यार्थ्यांमध्ये असंतोष पसरविला जात आहे.

Agri Student Protest : कृषी अभ्यासक्रमाचे विद्यार्थी विविध मागण्यांसाठी आक्रमक
Agri Student Protest : ‘कृषी’च्या विद्यार्थ्यांचा ठिय्या दहाव्या दिवशीही सुरूच

सध्याचा अभ्यासक्रम आहे तसाच ठेवावा. जाहिरात क्र. ०१७-२०२२ आणि ०८७-२०२२ या परीक्षा प्रक्रियेला स्थगिती देऊ नये. संबंधितावर योग्य ती कठोर कार्यवाही करावी. आयोगाने भूमिका स्पष्ट करून विद्यार्थ्यांच्या मनातील संभ्रम दूर करावा. वसंतराव नाईक मराठवाडा कृषी विद्यापीठातील ५५ टक्के पदे रिक्त आहेत.

बेरोजगार कृषी पदवीधरांचे वाढते प्रमाण लक्षात घेऊन कृषी सहायक (पदवीधर), कनिष्ठ संशोधन सहायक (जेआरए), वरिष्ठ संशोधक सहायक (एसआरए), इतर सर्व रिक्त पदांची भरती प्रक्रिया तत्काळ सुरू करण्यात यावी. या मागण्यांसाठी काढण्यात आलेल्या मोर्चात कृषी अभ्यासक्रमाचे विद्यार्थी व स्पर्धा परीक्षा उमेदवार मोठ्या संख्येने सहभागी झाले होते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com