Banana Rate : खानदेशात केळी दर स्थिर

आवकेत सतत घट; सरासरी १२०० रुपये दर
खानदेशात केळी कमाल १०००, तर किमान दर ४०० रुपये
खानदेशात केळी कमाल १०००, तर किमान दर ४०० रुपयेAgrowon

अॅग्रोवन वृत्तसेवा
जळगाव ः खानदेशात केळीचे दर (Banana Rate) स्थिर असून, प्रतिक्विंटल १५०० ते ८०० रुपये व सरासरी १२०० रुपये दर आहेत. आवक मागील दोन महिन्यांत सतत घटली आहे.
पिलबाग किंवा खोडवा केळीतूनही दर्जेदार केळीची काढणी सुरू आहे. या केळीस कमाल १५०० ते १६०० रुपये प्रतिक्विंटलचा दर आहे. खानदेशात सध्या प्रतिदिन ११५ ट्रक (एक ट्रक १६ टन क्षमता) केळीची आवक होत आहे. ऑक्टोबरच्या सुरुवातीला प्रतिदिन सरासरी १८० ट्रक केळीची आवक होती. या काळात परदेशात व देशातील बाजारातही केळीला मागणी (Banana) होती. यामुळे दर टिकून होते. नंतर केळीची आवक सतत कमी होत गेली.

खानदेशात केळी कमाल १०००, तर किमान दर ४०० रुपये
Banana : खानदेशात केळी दर व्यापाऱ्यांनी पाडले

सध्या थंडीचे दिवस आहेत. या काळात खानदेशात पिलबाग व जुनारी (काढणी ८० ते ९० टक्के पूर्ण झालेल्या बागा) बागांतून केळीची आवक होते. कांदेबाग केळीची आवक सप्टेंबर ते ऑक्टोबरअखेरपर्यंत बऱ्यापैकी होती. नोव्हेंबरच्या दुसऱ्या पंधरवड्यापासून आवक कमी होत गेली. यामुळे दरही टिकून आहेत. नवती किंवा मृग बागांमधून (मे ते जुलै या दरम्यान लागवडीच्या बागा) केळीची आवक सध्या सुरू नाही. ही आवक फेब्रुवारीत सुरू होईल. तोपर्यंत खानदेशात केळीची आवक कमीच राहील, असे दिसत आहे.

खानदेशात केळी कमाल १०००, तर किमान दर ४०० रुपये
Banana Cultivation : खानदेशात कांदेबाग केळीची लागवड स्थिर

केळीला किमान १२००, १०००, ९०० ते ८०० रुपये प्रतिक्विंटलचा दरही दर्जानुसार दिला जात आहे. दर्जेदार केळीला उत्तर भारतात मागणी आहे. तसेच राजस्थान, छत्तीसगड, राज्यातील मुंबई, ठाणे, कल्याण, नागपूर येथेही केळीची पाठवणूक सुरू आहे. मध्य प्रदेशातील बऱ्हाणपूर येथील बाजारातही केळीची आवक सध्या प्रतिदिन १०० ते १०५ ट्रक अशीच दिसत आहे. तेथे मध्य प्रदेशसह जळगाव जिल्ह्यातील मुक्ताईनगर, यावल, रावेर भागातून केळीची पाठवणूक केली जाते. मध्य प्रदेशातही पिलबाग केळीमधून काढणी सुरू आहे. दर मागील वर्षाच्या तुलनेत अधिक आहेत. मागील वेळेस कोविडबाबतच्या अफवा व थंडीचा प्रकोप यामुळे केळीला मागणी कमी होती. पण यंदा केळीची आवकही कमी आहे. तसेच कोविडबाबतच्या अफवा नसल्याने दर टिकून आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com