Department of Health : बदलापुरात आढळले डेंगू चे रुग्‍ण

बदलापूर : बदलापुरात डेंगीचे रुग्ण सापडत असून, रुग्ण उपचार घेऊन घरी येईपर्यंतसुद्धा पालिकेला या संदर्भात काहीच माहिती नसल्‍याचे वास्‍तव समोर आले आहे. पालिकेचा आरोग्य विभाग (Department of Health) शहरात आढळणाऱ्या डेंगी रुग्‍णांबाबत अनभिज्ञ असून, आरोग्य व्यवस्थेच्या ढिसाळ कारभारावर प्रश्नचिन्ह उभे करण्‍यात येत आहेत.

बदलापूर पश्चिम हेंद्रेपाडा विभागात एकाच घरात दोन महिला व लहान मूल यांना डेंगीची लागण झाली आहे. या तीनही रुग्णांचा रक्ततपासणी अहवाल प्राप्त होऊन चार ते पाच दिवसांचा अवधी लोटला असून, हे रुग्ण खासगी रुग्णालयात उपचार घेत आहेत. मात्र, शहरात साथीच्या रोगांचे रुग्ण सापडत असूनदेखील आरोग्य विभागाला मात्र या संदर्भात माहिती नसल्याचे समोर आले आहे.

अहवाल गुलदस्तात

कुळगाव-बदलापूर पालिकेच्‍या आरोग्य अधिकारी वैशाली देशमुख म्‍हणाल्‍या, की जे रुग्ण खासगी रुग्णालयात आहेत. त्या रुग्णालयाच्या व्यवस्थापनाकडून, ग्णांचे अहवाल पाठवले जात नाहीत.