Rajma Production : काटेकोर नियोजनातून राजमा पिकांची उत्पादकता वाढविणे शक्य’

राजमा लागवडीसाठी इच्छुक शेतकऱ्यांनी या पिकांच्या उत्पादनातील जोखमीच्या बाबी समजून घेणे गरजेचे आहे.
Rajma Crop Production
Rajma Crop ProductionAgrowon

परभणी ः राजमा लागवडीसाठी (Rajma Cultivaton) इच्छुक शेतकऱ्यांनी या पिकांच्या उत्पादनातील जोखमीच्या बाबी समजून घेणे गरजेचे आहे. काटेकोर नियोजनातून राजम्याची उत्पादकता (Rajma Productivity) वाढविणे शक्य आहे. योग्य जमिनीची निवड, पिकांचा फेरपालट, वेळेवर कीड व्यवस्थापन (Pest Management), मळणीचे तंत्र या बाबींवर भर देणे गरजेचे आहे, असा सूर कृषी विज्ञान केंद्रातर्फे मंगळवारी (ता. ८) राजमा पीक लागवड तंत्रज्ञान शेतकरी परिसंवाद कार्यक्रमात सहभागी शेतकरी, तसेच तज्ज्ञांनी व्यक्त केला.

अध्यक्षस्थानी कृषी विज्ञान केंद्राचे प्रमुख तथा वरिष्ठ शास्त्रज्ञ डॉ. प्रशांत भोसले, आत्माचे प्रकल्प उपसंचालक पी. बी. बनसावडे, सातारा जिल्ह्यातील राजमा पिकासाठी जी. आय. मानांकन प्राप्त शेतकरी मधुकर कदम, अनिल ओळंबे, अंबाजोगाई येथील शिवप्रसाद येळकर, कृषिभूषण सूर्यकांतराव देशमुख, उद्यानविद्या विशेषज्ञ अमित तुपे, श्रीधर पवार आदी उपस्थित होते.

ओळंबे म्हणाले, की उच्च पोषणमुल्य असलेले राजमा हे परभणी-हिंगोली जिल्ह्यातील नवीन पीक आहे. त्यामुळे या पिकांतील धोके समजून घेत लागवड करावी. मध्यम ते भारी जमिनीची निवड करावी. २० ऑक्टोबर ते १५ नोव्हेंबर हा कालावधी राजमा लागवडीसाठी किफायतशीर ठरतो. कदम म्हणाले, रब्बी हंगामात राजम्याचे चांगले उत्पादन मिळते. पेरणीसाठी जमिनीत पुरेसा ओलावा आवश्यक आहे. काढणी करताना काळजी घ्यावी लागते. यावेळी शेतकरी मोठ्या संख्येने उपस्थित होते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com