पुणे ः राज्यात अतिवृष्टीमुळे (Heavy Rainfall) यवतमाळ, अमरावती जिल्ह्यांमध्ये सोयाबीन आणि कापूस पिकांचे (Soybean Cotton Crop) मोठ्या प्रमाणावर नुकसान झाले आहे. नुकसानीमुळे शेतकरी व्यथित झाले असून, अमरावतीमध्ये दहा तर यवतमाळ जिल्ह्यात तीनपेक्षा अधिक शेतकऱ्यांनी आत्महत्या (Farmer Death) केल्या.
परतीच्या पावसाचा कहर व नापिकीचा सर्वांत जास्त फटका बसलेल्या विदर्भात पहिल्या नऊ महिन्यांतच अकराशेहून अधिक शेतकऱ्यांच्या आत्महत्या झाल्याचे समोर येत आहे. आत्महत्या रोखण्याबरोबरच नुकसानग्रस्त शेतकऱ्यांना तातडीने मदत देण्याच्या सूचना विधान परिषदेच्या उपसभापती डॉ. नीलम गोऱ्हे यांनी मुख्य सचिवांना दिल्या आहेत.
या बाबत करावयाच्या मदत आणि उपाययोजनांमध्ये मागील तीन महिन्यांच्या काळात झालेल्या शेतकरी आत्महत्यांचे पंचनामे आणि शवविच्छेदन अहवाल तातडीने पूर्ण करावेत. संबंधित तहसीलदार आणि जिल्हाधिकारी यांनी त्यांचे स्तरावरील बैठका घेऊन आत्महत्या केलेल्या व्यक्तीच्या कुटुंबांना आर्थिक साह्य देण्यासाठी आवश्यक कार्यवाही तातडीने करावी.
बदलत्या हवामानामुळे विदर्भ व मराठवाड्यात पीक पद्धती बदलणे ही आवश्यक आहे. या ही दृष्टीने नियोजन करावे. अतिवृष्टीमुळे प्राप्त झालेल्या पावसाच्या पाण्याचे योग्य नियोजनासाठी आवश्यक उपाय योजना कराव्यात.
विधवा झालेल्या पत्नीचे शासकीय स्तरावरून समुपदेशन करण्याची व्यवस्था करण्यात यावी. विधवांची व त्यांच्या वारसांची नावे आत्महत्या केलेल्या व्यक्तीच्या मालमत्तांना वारसांची नावे लावण्यासाठी संबंधित जिल्ह्याच्या जिल्हाधिकाऱ्यांना सूचना द्याव्यात, अशा सूचना दिल्या आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
