नागपूर ः रासायनिक खत विक्रेत्यांना (Chemical Fertilizer) खताचा पुरवठा (Fertilizer Supply) त्यांच्या दुकानापर्यंत व्हावा, अशी मागणी महाराष्ट्र फर्टिलायझर्स, पेस्टिसाइड्स, सीड्स डीलर्स असोसिएशन (Maharashtra Fertilizers Pesticide Seeds Dealers Association) (माफदा)कडून करण्यात आली होती. राज्य गुणनियंत्रण विभागाने ही मागणी मान्य करीत त्याबाबत राज्यातील सर्व खत व्यवस्थापकांनाही कळविले आहे.
खत कंपन्यांकडून खत विक्रेत्यांना खताचा पुरवठा केला जातो. परंतु असे करीत असताना हमाली आणि वाहतूक खर्चाचा भार विक्रेत्यांना सोसावा लागत होता. खत विक्रेत्यांकडून याची वसुली शेतकऱ्यांकडून होत होती. त्यामुळे खताच्या पोत्यावर नमूद असलेल्या किरकोळ विक्री किमतीपेक्षा अधिक किंमत खत विक्रेते आकारत होते. छापील किमतीपेक्षा अधिक रक्‍कम घेतली जात असल्याने विक्रेते आणि शेतकऱ्यांमध्ये अनेकदा वादाचे प्रकार घडले. जादा दर आकारत असल्याबाबत कृषी विभागाकडे तक्रारी झाल्या आणि त्याची दखल घेत विक्रेत्यांवर परवाने निलंबन, रद्दची कारवाई करण्यात आली. यामुळे खत विक्रेते जेरीस आले होते. कंपन्यांकडून खत विक्रेत्यांना दुकानापर्यंत (फॉर) पुरवठा व्हावा, अशी मागणी निवेदनाद्वारे व प्रत्यक्ष घेण्यात आलेल्या बैठकीत मांडण्यात आली.
या मागणीची सकारात्मक दखल घेत खत विक्रेत्यांना आता दुकानापर्यंत पोहोच मिळणार आहे. राज्य खत व्यवस्थापक यांना या संबंधीचे निर्देश गुणनियंत्रण संचालक दिलीप झेंडे यांच्याकडून मंगळवारी (ता. २६) एका पत्रान्वये देण्यात आले. माफदाने या निर्णयाचे स्वागत केले आहे.
गुणनियंत्रक संचालकांच्या पत्रात नमूद
या मागणीची सकारात्मक दखल घेत खत विक्रेत्यांना आता दुकानापर्यंत पोहोच मिळणार आहे. राज्य खत व्यवस्थापक यांना या संबंधीचे निर्देश गुणनियंत्रण संचालक दिलीप झेंडे यांच्याकडून मंगळवारी (ता. २६) एका पत्रान्वये देण्यात आले. माफदाने या निर्णयाचे स्वागत केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
