कोल्हापूर : येथील कृषी उत्पन्न बाजार समितीत या सप्ताहात टोमॅटोची आवक वाढलेलीच राहिली. त्यांना दहा किलोस २० ते ५० रुपये दर होता. टोमॅटोची दररोज दोन ते तीन हजार कॅरेटची आवक झाली. गवार, घेवड्याच्या दरात सुधारणाच राहिली. गवारीस दहा किलोस ३०० ते ५०० रुपये दर मिळाला. घेवड्यास दहा किलोस ३०० ते ४०० रुपये दर होता.
गवारीच्या आवकेत या सप्ताहात घट होती. गवारीची दररोज तीस ते चाळीस पोती इतकीच आवक झाली. गेल्या सप्ताहात साठ ते सत्तर पोती गवारीची आवक झाली. घेवड्याची पस्तीस ते चाळीस पाट्या आवक होती. घेवड्यास दहा किलोस ३०० ते ४०० रुपये दर होता. भेंडीची दोनशे ते तीनशे करंड्या आवक होती. भेंडीस दहा किलोस १०० ते २५० रुपये दर मिळाला. काकडीची दोनशे ते तीनशे करंड्या आवक झाली. काकडीस दहा किलोस ५० ते २०० रुपये दर मिळाला.
पालेभाज्यांमध्ये कोथिंबिरीची २० ते २१ हजार पेंढ्यांची आवक झाली. ही आवक गेल्या सप्ताहाच्या तुलनेत स्थिर राहिली. कोथिंबिरीस शेकडा ३०० ते ९०० रुपये दर मिळाला. मका कणसाची दररोज तीन ते चार हजार नगांची आवक राहिली. शेवगा शेंगेची आवक या सप्ताहात रोडावल्याचे बाजार समितीच्या सूत्रांनी सांगितले.
शेवग्यास दहा किलोस ४०० ते ५५० रुपये
गेल्या सप्ताहात शेवग्याची आवक ५० पोत्यांपर्यंत होती. या सप्ताहात ती निम्म्याने घसरून २५ पोत्यांपर्यंत आली. आठवड्यातील एक दोन दिवस वगळता शेवगा आवक कमी झाल्याचे बाजार समितीतून सांगण्यात आले.
शेवग्यास दहा किलोस ४०० ते ५५० रुपये दर मिळाला. पालक, पोकळा, शेपूस शेकडा ३०० ते ४०० रुपये दर मिळाला. फळांमध्ये द्राक्षाच्या आवकेत काहीशी वाढ होती. त्यांची दररोज दोनशे ते तीनशे बॉक्स आवक होती. द्राक्षास किलोस २० ते ४० रुपये दर मिळाला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.