Team Agrowon
सांगली जिल्ह्यात गेल्या दोन ते तीन दिवसांपासून ढगाळ वातावरण असल्याने बेदाणा निर्मितीस अडचणी येऊ लागल्या आहेत.
बेदाणा तयार होण्यास विलंब लागत असल्याने उत्पादक शेतकरी धास्तावला आहे.
कवठे महांकाळ तालुक्यातील नागज परिसरात बेदाणा निर्मितीची शेड उभी आहेत.
पोषक वातावरण असल्याने दर्जेदार बेदाणा तयार होत आहे. बेदाणा हंगाम मध्यावर आला आहे.
सुमारे तीन ते चार हजारांहून अधिक बेदाणा शेडवर बेदाणा तयार करण्याची लगबग सुरू आहे.
मात्र गेल्या दोन ते तीन दिवसांपासून ढगाळ वातावरण आणि बहुतेक भागात हलका पाऊस झाला आहे.
त्यामुळे बेदाणा उत्पादक शेतकऱ्यांमध्ये भीतीचे वातावरण निर्माण झाले आहे.
ढगाळ वातावरणामुळे बेदाणा काळपट होणे, दर्जा घसरणे, आणि बेदाणा तयार होण्यासाठी विलंब होणे यामुळे शेतकरी चिंताग्रस्त झाला आहे.