Team Agrowon
महाराष्ट्रात बऱ्याच यात्रेच्या ठिकाणी श्‍वानांच्या धावण्याच्या शर्यतीत कारवान जातीचे श्‍वान निवडले जातात.
या जातीला कोणत्याही विशिष्ट आहाराची आवश्यकता नसते. स्वयंपाकगृहात बनवलेला रोजचा आहार त्यांना चालतो. आहार उच्च-गुणवत्तेचा असेल तर त्यांचे आरोग्य सुधारते.
आहारामुळे उद्‌भवणारी कोणतीही आरोग्य समस्या नाही. श्‍वानांना घरी बनवलेली भाकरी, पोळी, भातासोबत डाळ किंवा मांस मिसळून द्यावे. बाजारातील विकतचे श्‍वान खाद्य यांना देण्याची आवश्यकता नाही.
श्‍वानांना मोकळे ठेवण्याची गरज आहे, त्यामुळे त्यांना व्यायाम मिळतो, ते सक्रिय राहतात. त्यासाठी कुंपण घातलेले अंगण अत्यंत उपयुक्त असते.
श्‍वानांना जास्त काळजीची आवश्यकता नसते, ते स्वतःला स्वच्छ ठेवण्याचे चांगले काम करतात श्‍वान अत्यंत निरोगी असतात. कोणत्याही आनुवंशिक आजारास बळी पडत नाहीत.
कोणत्याही परिस्थितीत ही जात चांगल्या प्रकारे तग धरते. रेबीज आजाराच्या नियंत्रणासाठी वर्षातून एकदा लसीकरण आवश्यक आहे.