Lumpy Skin : खेडमध्ये पाळीव जनावरांत ‘लम्पी स्कीन’सदृश लक्षणे

मांडवे येथील पाळीव जनावरांमध्ये लम्पी स्कीन आजारसदृश लक्षणे आढळून आली. त्या संशयित जनावरांच्या तपासणीसाठी नमुने घेण्यात आले आहेत.
Lumpy Skin Disease
Lumpy Skin DiseaseAgrowon

खेड, जि. रत्नागिरी ः तालुक्यातील मांडवे येथील शेतकऱ्याच्या पाळीव जनावरांमध्ये लम्पी स्कीनसदृश लक्षणे (Lumpy Skin Symptoms In Pet) आढळल्यानंतर पशुसंवर्धन विभागाने (Department Of Animal Husbandry) गुरुवारी (ता. २२) पंचक्रोशीतील गावांची पाहणी केली. शेतकऱ्यांना या आजारासंबंधी माहिती देऊन जनावरांच्या लसीकरणावर (Lumpy Vaccination) भर दिला आहे.

Lumpy Skin Disease
Lumpy Skin : स्वतः जगातून गेली पण वासराला जगवलं

मांडवे येथील पाळीव जनावरांमध्ये लम्पी स्कीन आजारसदृश लक्षणे आढळून आली. त्या संशयित जनावरांच्या तपासणीसाठी नमुने घेण्यात आले आहेत. खबरदारीचा उपाय म्हणून या पंचक्रोशीतील ६४ जनावरांना तातडीने लसीकरण करण्यात आले.

तसेच गुरुवारी सकाळपासूनच मांडवे, तळेसह आजूबाजूच्या पंचक्रोशीतील जनावरांची पाहणी करण्यात आली, अशी माहिती पशुधन विकास अधिकारी डॉ. विनया जंगले यांनी दिली.

Lumpy Skin Disease
Lumpy Skin : गायींच्या जीवन संरक्षणासाठी राजू शेट्टी उच्च न्यायालयात

त्या संशयित जनावरांचे रक्तांचे नमुने पुणे येथील रोग अन्वेषण प्रयोगशाळेत पाठवण्यात आले आहेत. त्याचा अहवाल प्राप्त झाल्यानंतर नेमके निदान होणार असून त्यापूर्वी शेतकऱ्यांनी जनावरांची योग्य ती काळजी घ्यावी, असे आवाहन पशुसंवर्धन विभागाने केले आहे.

पशुधन विकास आयुक्त यांनी तालुक्यात सर्वत्रच क्लिन व्हॅक्सिनेशनचे आदेश दिले असून आगामी कालावधीत सर्वच भागामध्ये जनावरांना लसीकरण करण्यात येणार आहे. लस प्राप्त होताच त्याचे नियोजन करण्यात येईल.- डॉ. विनया जंगले, पशुधन विकास अधिकारी, खेड

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com