शेतकऱ्यांच्या हातात पीक येईपर्यंत पुढचे तीन महिने वीज तोडणार नाही - उर्जामंत्री डॉ. नितीन राऊत

महावितरणकडून सुरू असलेल्या वीज पुरवठा खंडित करण्याच्या कारवाईला स्थगिती दिल्याची घोषणा राज्याचे उर्जामंत्री डॉ. नितीन राऊत (Power Minister Dr. Nitin Raut) यांनी मंगळवारी (ता. १५) विधानसभेत केली. कर्जाच्या बोजामुळे महावितरणची स्थिती गंभीर असल्याचे सांगताना राऊत यांनी ही घोषणा केली आहे. याशिवाय वीज पुरवठा खंडित (Poer Supply Cut) केलेल्या शेतकऱ्यांचा वीज पुरवठा पूर्ववत करण्याचीही घोषणा राऊत यांनी केली आहे. 

#थेटप्रसारण महाराष्ट्र विधिमंडळ #अर्थसंकल्पीयअधिवेशन मार्च - २०२२ #विधानसभाकामकाज#MahaBudgetSession https://t.co/an8VcrY5w0

यावेळी बोलतना राऊत म्हणाले की, शेतकऱ्यांच्या हातात पीक येईपर्यंत पुढील तीन महिने वीज तोडणीची कारवाई तीन महिन्यांसाठी तात्पुरती थांबविण्यात येत आहे. (Power Supply Of Farmers Will Be Restored Says Nitin Raut) तसेच ज्या शेतकऱ्यांचा वीज पुरवठा थकीत वीजबिलाच्या कारवाईमुळे खंडित करण्यात आला आहे, अशा शेतकऱ्यांचा वीज पुरवठाही पुर्ववत केला जाणार असल्याचे त्यांनी यावेळी सभागृहात सांगितले. तसेच शेतकऱ्यांना दिवसा दहा तास वीज देण्यासंदर्भात समितीच्या अहवालानंतर निर्णय घेतला जाईल, असेही राऊत यावेळी म्हणाले. 

हेही वाचा - महाराष्ट्रात बाजार समित्यांमधील शेतमाल आवक ४० लाख टनांनी घटली

शेतकऱ्यांच्या वीज पुरवठा खंडित करण्याचा मुद्दा सत्ताधारी पक्षातील सदस्यांसह विरोधी पक्षानेही लावून धरला होता. या पार्श्वभूमीवर मुख्यमंत्री आणि उपमुख्यमंत्री यांच्याशी चर्चा केल्यानंतर हा निर्णय घेण्यात आला आहे.   राऊत यांच्या या घोषणेनंतर शतकऱ्यांना दिलासा मिळाला आहे. दरम्यान, सभागृहात विरोधी पक्षाने शेतकऱ्यांच्या वीज तोडणीवरून सरकारवर हल्लाबोल करत शेतकऱ्यांची वीजबिलं माफ करण्याची मागणी केली आहे. 

हेही वाचा - अर्जेंटीनाच्या सुर्यफूल तेलाच्या किमतीत ४७ टक्क्यांनी वाढ

दरम्यान, कृषी पंपाचा वीज पुरवठा खंडित करण्याच्या महावितरणच्या कारवाईमुळे शेतकरी संताप व्यक्त करत होते. सरकारच्या या निर्णयामुळे शेतकऱ्यांनी काही प्रमाणात का होईना पण दिलासा मिळाला आहे.